దోస ఆవకాయ

దోస ఆవకాయకు గట్టిగా ఉండే కాయ కావాలి.ఇది మహా ఉంటే ఒక వారం ఉంటుంది కాబట్టి ఎక్కువ ఎక్కువ చేసుకోపనిలేదు.మట్టసంగా చేసుకుంటే చాలు.దోసకాయ కడిగి,తడి లేకుండా తుడిచి లేక ఆరనివ్వాలి.తరువాత తరిగి లోపల గిజురు తీసివెయ్యాలి.బద్ద చేదు ఉందేమో చూసుకోవాలి.చేదు లేకపోతే,తొక్కుతోటే సన్న సన్న ముక్కలుగా తరుగుకోవాలి.ఒక వెడల్పు గిన్నె లోకి తీసుకుని ఉప్పు,పసుపుపొడి,మిరపపొడి వేసుకోవాలి.ఆవాలు మిక్సీ లో గానీ,రోట్లో గాని పొడి చేసుకోవాలి.ఆవాలు ఒకటి రెండు స్పూన్స్ వేసుకుంటే చాలు.మిరపపొడి ఒక నాలుగు అయిదు స్పూన్స్ వేసుకోవాలి.అన్ని బాగా కలుపుకోవాలి.బాణట్లో నూనె ఒక నాలుగు అయిదు స్పూన్స్ వేసుకుని,ఇంగువ పొడి,ఆవాలు,మెంతులు,రెండు ఎండు మిరపకాయలు తుంచి వేసి,వేయించుకోవాలి.వేగిన తరువాత ముక్కలపైన వేసుకోవాలి.వెంటనే మూత పెట్టకూడదు.కొంచెం చల్ల బడిన తరువాత వేరే జాడీలోకి తీసుకోవాలి.దోసకాయలో నీరు శాతం ఎక్కువ ఉంటుంది కాబట్టి ఎక్కువ రోజులు వుండదు.