కొబ్బరి కూర

ఈ కూర మా అమ్మ చేస్తే నాకు చాలా ఇష్టం.ముందుగా కొబ్బెర తురుముకోవాలి.ముదురు కొబ్బెర అయితేనే బాగుంటుంది.మాములుగా కుంపటి పైన కంది పప్పు ఉడక పెట్టుకునే పని అయితే,బద్దలు మెత్త బడగానే పక్కకు తీసేసుకోవాలి.కుక్కర్ లో అయితే కందిపప్పు తడుపుకొని,ఒకటి రెండు స్పూన్స్ నీళ్ళు పోసుకోవాలి.కుక్కర్ లో అన్నం,పప్పు,కూర అన్నీ ఉడకబెట్టుకుంటుంటాము కదా,ఒక వెడల్పు ప్లేటు లేక చిన్న గిన్నెలో కొంచెంగా నీళ్ళు పోసి పెట్టుకుంటే పప్పు మెత్తబడినా,విడివిడిగా బద్దలుగానే ఉంటుంది.ఇప్పుడు బాణట్లో తిరగమాత వేసుకుని,కొబ్బెర తురుము,కొంచెం ఉప్పు,పసుపుపొడి వేసుకుని కలియపెట్టాలి.కొంచెం కొబ్బెర పచ్చి వాసన పోగానే,ఉడకబెట్టుకున్న కందిపప్పు బద్దలు వేసి కలియపెట్టాలి.ఇంకో రెండు మూడు నిముషాలు అయిన తరువాత మిరపపొడి ఒక అర స్పూన్ వేసి కలిపి,కూరను పక్కకు తీసేసుకోవాలి బాణట్లోనుంచి.